Thayland

Thayland, official-ye Roydem Thayland (ราชอาณาจักรไทย / Ratcha Anachak Thai) est un land in Sud-Eust Asia lizden eusti ab Laos ed Kampuchea, sudi ab id Gulf os Thayland ed Malaysia, ed westi ab id Andaman Mar ed Myanmar. Thayland biht yaschi namt Siam, ob eet id official nam os landios tiel 1939. Id werd Thay maynt "leudher" in Thay bahsa. Id nagor ed mierst urb Thaylands est Bangkok.

In 2013 wik meis quem 66 millions leuden in Thayland. Ids official bahsa est id Thay ed ids rawaj id baht.

Thayland est yando lakaben id land ios "permanent coup-d'etat" bet ia 18 peitens recordet ex 1932 do 2011 ne hant rencausen id monarchia. Thayland buit diu rulen ab uno militar junta quod id Thay Communiste Partise sult in 1942 hat naiwo kamyaben menace esdi eet kabil os oislures guerilla hotspots. Id economic antslehnken ios land unte ia 1960tias hieb emergihn un proletar schikht bet kathalika uno national burgesia. In-kap ia 1990tias, id land hat biht un parlamentar democratia bet tod hat remanen pregen ab un akster clientelisme. In 2006, is milliardaire Thaksin Shinawatra, qui eet Premier Minister pon 2001, buit uperwaldhen ab royaliste generals ed ei buit dwighen exile.

Ia tri colors rudh-albh-blou os Thaylands flag sont pro "nation-religion-roy", id non-official motto ios land. Tod gnohmen buit widen in 1917. Idso Thay nam est Trairanga, yani "Triranghi".

Ies militars annuleer ia gwehmtur elections, suspens id Constitution, dissolveer id parlament, bien protests ed cada politic activitat, enderwaurs ed censureer ia media ed arresteer cabinettsmembers. To buit sohkwt ab un prist ex 2008 do 2014 samt democratic-ye electa gouvernements, men maung, yando gvaltic, demonstrations. Dien 22 mai 2014 hant ies militars forfact un nov coup d'etat.